Convocado o XXX Seminario internacional sobre Teatro, Ciencias e Ciencia ficción co profesor Romera Castillo

16 de noviembre de 2021

Vaise celebrar do 28 ao 30 de xuño de 2022 para estudar o publicado e representado no eido teatral desde o ano 2000 ao 2022. Está organizado pola UNED coa Asociación Internacional de Teatro Siglo XXI, a Asociación Española de Semiótica e a Academia das Artes Escénicas de España.

OURENSE, 16 de novembro de 2021. O Centro de Investigación de Semiótica Literaria, Teatral e Novas Tecnoloxías (SELITEN@T) da UNED, dirixido polo profesor doutor José Romera Castillo, en colaboración coa Asociación Internacional de Teatro do Século XXI, a Academia das Artes Escénicas de España e a Asociación Española de Semiótica, convoca o XXX Seminario Internacional sobre Teatro, Ciencias e Ciencia ficción nas dúas primeiras décadas do século XXI. O obxectivo é estudar o publicado/representado no eido teatral desde o ano 2000 ao 2022 (non antes), tanto en España (nas súas diferentes linguas) como en Iberoamérica e outros eidos internacionais, mediante os seguintes apartados:

Dramaturxias textuais.
Dramaturxias sobre postas en escena.
Biografías de científicos levadas á escena: textos e postas en escena.

Adaptacións de outros xéneros literarios sobre o tema ao teatro.
Musicais sobre o tema
Teatro e ciencia ficción: textos e postas en escena.

Celebrarase do 28 ao 30 de xuño de 2022 e desenvolverase de dúas maneiras, presencial, no Edificio de Humanidades da UNED, ubicado no Paseo Senda del Rey, 7. 28040.- Madrid, e ao mesmo tempo en liña.

Estrutura do seminario:

Sesións plenarias, impartidas por destacados especialistas.
Comunicacións: Quenes desexen presentar unha comunicación deberán enviar, o antes posible, o Boletín de preinscripción e deberán remitir unha copia do texto completo, por correo electrónico a rsantiago@flog.uned.es ou selitenat@flog.uned.es, redactado segundo as nosas normas, antes do 15 de maio de 2022, para ser examinado e evaluado pola comisión organizadora.

Certificado:

Entregarase certificado (30 horas).

Cuota de inscripción:

Gratuita.

Acceso ao Boletín de preinscripción aquí

UNED Ourense